Take Me Out… لأ ما نقشت!

أكتب اليوم بكلِّ ضميرٍ حيّ كفتاة لبنانيَّة في ربيع العمر، تعب والداها على تربيتها وتلقينها القيم الإنسانيَّة والاجتماعيَّة الحقَّة. أكتب اليوم لأطلق صرخةً علَّها تصل إلى الجهات المعنيَّة وتتوقَّف هذه المهزلة الَّتي تُبثُّ ليل الأحد على شاشةٍ لبنانيَّة حملت في الماضي قضايا وطنيَّة وإنسانيَّة عريقة. أكتب اليوم وقلَّة ستقرأ لأنَّ الأكثريَّة مسمرَّة أمام حسناوات شقراوات وسمراوات ومستمتعة بالهرطقة الإعلاميَّة الحاصلة!

منذ أشهرٍ قليلة، تلقَّيتُ اتِّصالًا هاتفيًّا، كالعديد من رفيقاتي، من إحدى الموظَّفات في محطَّة المؤسَّسة الُّلبنانيَّة للإرسال (LBCI) تدعوني فيه إلى المشاركة في برنامجٍ جديد يحمل توقيع المنتجة رولا سعد ويدور أساسًا حول إيجاد النِّصف الآخر والمواعدة. بكلِّ تهذيبٍ، رفضتُ! رفضتُ لأنَّني لا أؤمن بمصداقيَّة مثل هذه البرامج ولا أجدها ذات قيمة إعلاميَّة مضافة. وبعد شهرٍ ونيِّف، بدأتُ بمشاهدة الإعلانات حول برنامج جديد من تقديم الممثِّل فؤاد يمِّين، أحد الممثِّلين الكوميديين المفضَّلين لديَّ. شاهدتُ الحلقة الأولى، والَّتي اكتشفتُ فيما بعد أنَّها “التِّحماية”… فتوالت الحلقات، وتوالت معها الويلات والترهات: تلميحاتٌ جنسيَّةٌ مقزِّزة، حركات جسديَّة مستفزَّة، كلامٌ فارغ… وعقولٌ فارغة!

Episodes-P-29868-636116748805367088.jpg

فلتعذرني الفتيات المشاركات… فليعذرن صراحتي الجارحة! كم من فتاة لبنانيَّة اليوم دفع والدها الغالي والنَّفيس، وحرمت أمُّها نفسها من أشياء كثيرة، لتكبر وتتعلَّم وتصبح امرأةً مثقَّفة ومحترمة في المجتمع؟ كم من فتاةٍ لبنانيَّة اليوم تحمل شهادات جامعيَّة وبراءات اختراع ومؤلَّفات وأعمالًا فنيَّة؟ قولوا لي بربِّكم كم من فتاةٍ لبنانيَّة اليوم شوِّهت صورتها ووصمت بالإغراء القذر واعتبار حجم الأعضاء التناسليَّة للرجل معيارًا لاختيار الشريك المستقبليّ؟ كم من فتاةٍ لبنانيَّة تجلس اليوم حزينةً في منزلها وهي تشعر بالخزي إزاء ما يحصل؟

والله لإنَّه زمن العار والانحطاط الإعلاميّ والأخلاقي!

أفكِّر أحيانًا بما كانوا يسمُّونه “شلش الحياء… إيه بطمنكن طقّ وكتَّر”! “طقّ” لدرجة باتت الفتيات يظنَّن أنَّ من حقِّهنَّ تحطيم شابٍ يقف أمامهن إذا لم ينل لسبب من الأسباب إعجابهنَّ. “طقّ” لدرجة بتنا فيها في زمن تفشِّي العبارات الجنسيَّة غير الَّلائقة واسمحوا لي أن أقول “الحيوانيَّة”. “طقّ” لدرجة تقوم فيه إحدى الفاتنات المفرغات بتحوير كلمة “ركوب الخيل”، لتتناسب مع غاياتها وشهواتها. ويحي عليك يا أيُّها الزَّمن الجميل الغابر!

نعم، لم تنقش مع الLBCI هذه المرَّة، ولو أنَّ نسبة المشاهدين مرتفعة! وإذا ما أصبح هدف وسائلنا الإعلاميَّة ينحصر في رفع نسبة المشاهدين على حساب الأخلاقيَّات الاجتماعيَّة والمهنيَّة، اسمحوا لي أن أنعي إليكم منذ الآن الإعلام الُّلبنانيّ.

شرف المرأة الُّلبنانيَّة ليس رهن أهوائكم…

جبروت المرأة الُّلبنانيَّة وصورتها أسمى من كلماتكم العارية…

وصمتُ المرأة الُّلبنانيَّة اليوم… زئيرٌ مدوٍّ في وجه هرائكم!

87 رأي حول “Take Me Out… لأ ما نقشت!

اضافة لك

  1. Chou 5ass haida l programme manno bala 2akhla2 wala chi watte haida programme bi salle chou daroure ydall l programet kella siyesse w 2atel w damar w hareb kell chakhess lebnene hek baddo programmet ta yetsalla YALLI MECH 3EJBO MA YOHDAR haida bass 2eftira 3al m7atta bass 8asmen 3an ra2betkoun l lbci deyman l 2oula 3al 2alile ma bet jarreb t2alled m7attat ajnabiyye(3am bo2sod l mtv

    إعجاب

  2. Ma bda kel hal2ad kel Benet herra b halaa w batalna b zaman l khashbe w kel hada Hass eno l hal program b alelo men akhle2o fi ma yhdaro simply ma hada jebro . w bl niheye hadafo tarfihiii rghm kl l osas l btsir fi bad hawde l banet yali 3m t2ulo 3anon ashkel alwen 3m ytsarafo 3a tabi3ton edem kl ness w msh msthiyinn b ghadd l nazar iza keno 3ala sah aw ghalat bs bdalo jari2at aktr men 3/4 yalli bytsarafo bnafs l tari2a bl mekhfi wlama hada ywejhon byenekro a3melon..Ana msh ma3a w bl nesbe la mabed2e w kiyami yali b emen fiya mustahil kun ma3 aw shaje3 hayala Benet aw shab 3a hek ashya bas hayda ra2ye Ana w b2dar ulo bs ma b2dar abdn ehkom 3a walla hada men hal banet bshi men mujarad haki b hadaf tarfih w dohok. W bl nesbe la oset bdn yshtehru fiya wejhet nazar bs bl ha2i2akaza bent menon mashhurin men abl ma tsir oset hal prog w gher hek serna bzaman mafi ashal men eno l wahad yenshher fi 3abr social media w ghyra btl hal shi l mhem.w bl nesbe la 3ale2et l banet b ahlon w ra2i ahlon bhal shi l 3am ya3mlu , ma bkhoss hada ghyrn w ma bhs fi ghyrn b he2lo thki w yfkr aw yhkom 3le hene w bayeton w emeton w bs.

    إعجاب

  3. خلص وقفو البرنامج لأنو بيختلف مع رأي بعض الناس المحافظين. يا عمي روحو شوفو الفقر والتعتير وشو عم يجرّ اتجار بالأطفال، شوفو الفساد، احكو مع الجمعيات وشوفو كمّ الفتيات القاصرات يللي عم يُستغلّو جنسياً حتى يسدّو جوعن.
    ولو أنا ما بفضى احضر TV لأني مقبور بالشغل، و مهندس وأنجأ قادر عيش من ورا الغلا الغير مشروع والفساد، كيف ذوي الدخل المحدود؟ وانتو خيفانين عالشرف تبع المرأة اللبنانية.
    ولك بشو انتو احسن من المرأة الأجنبية؟؟
    و بتحكو francais كمان؟؟؟
    ولك حلو عن التراث
    ولووووو

    إعجاب

  4. شكرا لك ايتها الفتاة الحرة بحروفك الراقيه والصادقة التى وجهت رسالتها الى مجتمع نصه يحتض العهر والفساد ، هل الغوا دور كل كل ام واب ، ودور كل قضية تحت عنوان عفة وكرامة الانثى هولاء لن ولم يمثلوا اي فتاة او سيدة او ام مقاوم ، او ام جندي هن ومن طرح فكرة ظهورهم على الشاشة التي لطالما شاركت باعلان الكثير من القضايا التي تصب في خانة الكلمة الحرة والكلمة الراقيه ، كفى تحقير واستخفاف بعقولنا

    إعجاب

  5. كلكن عم تتفلسفو و تحكو طالع نازل اذا بتسدو بوزكن ب كون احسن ما تعملو حالكن كل واحد اشرف من التاني و انو انتو بتفهمو
    هيدا البرنامج ما في متلو برامج بعدين الحكي البذيء بيصير مع البنت يلي هيي بدا مش مع الكل و لو ما هني بدن ما بيحكي هيك
    ف تضبضبو و ما تتفلسفو كتير ولا تعملو درس اخلاق هل شغلات خلوها الكن

    إعجاب

  6. برافو وشكرا” لك يا Larissa
    أكيد هالبنات على شاشة ال LBCI ما بمثلو كل البنات اللبنانية، ولا ممكن نقبل أو نصدق هكذا صورة تكون شاملة…
    إنما جرأة وتحرر، تختلف جدا” عن الوقاحة وانحطاط القيم.
    الحرية لم تكن أبدا” تعني نشر الغسيل والأخلاق الفاضحة جدا” أمام الشاشة.
    أكيد لا نستطيع ولا نريد أن يتوقف البرنامج، وأكيد المجتمع لطالما احتوى على المهزبين والوقحين، صبايا كانوا أم شباب.
    إنما التعبير عن شتى الرغبات والإيحائات الجنسية على الشاشة، كتير عيب الى هذه الدرجة.
    يسلم تمك يا Larissa، الله يبارك البيت اللي رباكي والله من أمثالك صراحة…

    إعجاب

  7. Hi Larissa,
    I’ll keep this short.
    You’re free to think what you want, and your opinion might match that of many Lebanese who think the same, but believe me, we are moving elsewhere as a society, in a completely different direction, and you are really so far behind I don’t see any common ground between you and us anymore.

    If a show like this offends you, because of your social conditioning and the way you have been brought up, then that’s your problem and you have the right to blog about it, but if you expect us as a society to stand still and move backwards then you’re wrong.
    We are moving forward, we are looking ahead, we are trying to give every man and woman in this society their freedom, to live free and do whatever they please.
    Sex is a natural thing, to feel horny is a natural thing, to want someone is a natural thing, and to decide to go on TV and partake in a show, regardless of anyone’s opinion of it, is also a natural thing.
    Even porn is a natural thing, and men and women watch porn, by the dozen, because it feeds on natural instincts and it quenches natural desires. We’re many to think like that, to want that, and we’re many to push society towards freedom of being, without any boundaries set forth by cultural taboos and old patriarchal ideologies. Welcome to the new world, where sexual desire is no longer frowned upon, where sexual liberty is a basic right, for men and for women equally.

    If this is how you perceive our society and this is how you’d like to raise your children to think and look at the world, then by all means do and feel free to give them the best of your education, but I can assure you, they’ll be the ones left frustrated in the back of the class, and come their university years, they’ll be the ones struggling to have their voice heard and shared by anybody.
    Freedom of self and of thought can never be tamed, and it goes in one direction, never goes backwards, because when a person is free to think, free to be, they’ll never want to go back.

    For a blogger, you’ve lost all the credibility in the eyes of many, because you are using the newest technologies and advancements to push old rusty outdated ideologies. The irony.

    I wonder what kind of credibility you still hold as a Journalist then.

    Liked by 1 person

  8. بس بدي افهم شي واحد. عادة الناس بيتصلو حتى يشتركو ببرنامج هيدي اول مرة بسمع انو الإزاعة بتتصل بالناس حتى يشتركو. وخلينا نسلم جدل ان الإزاعة اتصلت، طيب من وين جابو رقمك؟؟ اكيد في شخص مرجع عطاهم رقمك حتى يحكوكي لأن بكون بيعرف انك ممكن تشتركي. وكمان شو بأكدلنا انك مش حدا ما تم اختيارو وانك مقهورة فنشرتي هالكلام؟؟؟ وسؤالي هوي مين حطك حتى تحكي نياببة عن البنت اللبنانية بشكل عام؟؟؟ هيدا برنامج ترفيهي تجاري اذا مش عاجبك ما تحضري بكل بساطة. روحو خلو تعليقاتكم للأشيا الأهم الي عم تصير بالبلد مش على برنامج ما رح يقدم ولا رح يقصر ولا رح يتأسر في شرف البنت اللبنانية. اصحو حاجي تفاهات وحكي فاضي.

    إعجاب

  9. بصراحة لم ارى فيه الا برنامج مسلي هناك بعض الجرءة ولكنها ليست بغريبة او بعيدا عن مجتمعنا المنفتح نحن شعب يختلف كثيراً عن الشعوب المجاورة وهذا يعود لتنوعنا وكثرة سفرنا وهجرتنا الخ
    كما لا أوافقك الرأي انه ممثل للمرأة اللبنانية لانه غير ممكن ان نشمل نساء وطن بعدت فتيات يشاركن في برنامج تلفزيوني بداخل ستوديو اي لا ينقل نمط حياة عن الشارع او من داخل المنازل. كما لا تنسي سيدتي ان نحن نطالب اليوم بمجتمع يعزز الحقوق المدنية مع كل الاحترام للمحافظين والشرح يطول……………

    إعجاب

  10. ma badda hal2ad calm yourself. It’s the only fun show on tv, and I oppose you in everything you say. Being sexually liberated doesn’t make you a slut, but if you think this show is degrading, what else do you wanna watch? people on a7mar bel khat el 3arid? depressing drama? this is the fun stuff. And I am 200% sure that all the people who find this show “insulting” are secretly checking porn websites and masturbating to “degrading” stuff.

    إعجاب

  11. هذا البرنامج يشبه فكرة برنامج معروف في البرازيل اسمه ” amizade ou namorado” يعني صديق أو حبيب. بس النسخة اللبنانية تفقد الأناقة و الرومنسية التي اشتهر بها البرنامج البرازيلي في التسعينات.

    إعجاب

  12. Ma3 ehtirame lal keteb hayda l ma2al bass hasset ka mouchehed Lebnene take me out program mahdoum bi salle w bi maweh ma daroure kelshi byehkou l sabaya azdino hene byehko la yamlo jaw mousalle w ma fi chak enno 80bl100 men l sabaya jeyin la yenchehro mch la yna2o chrik hayeton w bl niheye hayda programe international fi meno bi ktir belden metel the voice w 8ayro ktir w miss roula saad 3awadetna 3a baramej nejha metel star academy w 8ayro so Ana chefto program laziz

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

المدونة لدى وردبرس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: